Ap news: లిక్కర్‌ స్కామ్‌ కమీషన్లు గోవిందప్పకే చేరాయి.. సిట్‌ రిమాండ్‌ రిపోర్టులో కీలక విషయాలు
Play all audios:
విజయవాడ: మద్యం కుంభకోణం కేసులో ఏ33 నిందితుడిగా ఉన్న బాలాజీ గోవిందప్పకు విజయవాడ ఏసీబీ ప్రత్యేక కోర్టు ఈనెల 20 వరకు రిమాండ్‌ విధించిన విషయం తెలిసిందే. రిమాండ్‌ రిపోర్టులో గోవిందప్ప గురించి పలు
కీలక అంశాలను సిట్‌ ప్రస్తావించింది. లిక్కర్‌ స్కామ్‌ సిండికేట్‌లో అతనిది కీలక పాత్ర అని తెలిపింది. ‘‘కెసిరెడ్డికి గోవిందప్ప అత్యంత సన్నిహితుడు. ప్రధాన బ్రాండ్లు ఆపి అనుకూల బ్రాండ్ల విడుదలలో
కీలక పాత్ర పోషించారు. సొంత బ్రాండ్లు మార్కెట్లోకి తీసుకొచ్చి రూ.కోట్లు కొల్లగొట్టారు. సిండికేట్‌లో గోవిందప్పది కీలక పాత్ర అని ఏపీబీసీఎల్‌ అధికారులు సత్యప్రసాద్‌, వాసుదేవరెడ్డి చెప్పారు.
డిస్టిలరీలు, సప్లయర్ల కమీషన్లు గోవిందప్పకు చేరాయి. లిక్కర్‌ ద్వారా వచ్చిన మొత్తాన్ని వివిధ రూపాల్లో మళ్లించారు. అక్రమ సొమ్ముతో స్థిరాస్తులు, లగ్జరీ కార్లు కొనుగోలు చేశారు. డబ్బు ఎలా
మళ్లించాలో గోవిందప్పకు తెలుసు. ఇలాంటి కేసుల్లో పదేళ్ల వరకు శిక్ష పడుతుంది’’అని రిమాండ్‌ రిపోర్టులో పేర్కొన్నారు.