Epfo uan: ఫేస్‌ రికగ్నిషన్‌తోనూ ‘uan’ పొందొచ్చు
Play all audios:
ఇంటర్నెట్ డెస్క్‌: పీఎఫ్‌ ఖాతాదారులకు మెరుగైన సేవలు అందించడంలో భాగంగా ఉద్యోగ భవిష్యనిధి సంస్థ (EPFO) మరో ముందడుగు వేసింది. ఫేస్‌ అథంటికేషన్‌ ద్వారా యూనివర్సల్‌ అకౌంట్‌ నంబర్‌ (UAN)ను
జనరేట్‌ చేసుకునే వీలును కల్పించింది. దీనిని యాక్టివేషన్‌ చేసుకోవడంతోపాటు సంబంధిత సేవలు కూడా ముఖ ధ్రువీకరణ (Face Authentication) ద్వారా పొందవచ్చని పేర్కొంది. ఖాతాదారులకు మెరుగైన సేవలు
అందించడం కోసం డిజిటల్‌ సేవలను మరింత విస్తరిస్తున్నామని కేంద్ర కార్మికశాఖ మంత్రి మన్‌సుఖ్‌ మాండవీయ వెల్లడించారు. ఎలా పొందాలి? ఈపీఎఫ్‌వోలో కొత్తగా చేరిన ఉద్యోగి ఉమంగ్‌ యాప్‌ (UMANG) సాయంతో
యూఏఎన్‌ను స్వయంగా జనరేట్‌ చేసుకోవచ్చన్నారు. ఫేస్‌ రికగ్నిషన్‌ సాంకేతిక (FAT) ద్వారా ఇది సాధ్యమవుతుంది. ఆధార్‌ ధ్రువీకరణ తర్వాత యూఏఎన్‌ కేటాయిస్తారు. ఆ తర్వాత దానిని యాక్టివేషన్‌ చేసుకునే
వీలుంటుంది. కార్డును కూడా అక్కడ నుంచి డౌన్‌లోడ్‌ చేసుకోవచ్చు. * ‘అధిక పింఛన్‌’పై అదే జాప్యం! గతంలో యూఏఎన్‌ నంబర్‌ ఉండి, యాక్టివేషన్‌ చేసుకోని వారు ఉమంగ్‌ యాప్‌ ద్వారా ఈ ప్రక్రియను సులభంగా
పూర్తి చేసుకోవచ్చని కేంద్ర మంత్రి మన్‌సుఖ్‌ మాండవీయ వెల్లడించారు. 2024-25 ఆర్థిక సంవత్సరంలో 1.26కోట్ల యూఏఎన్‌లు జనరేట్‌ అయినప్పటికీ.. కేవలం 44లక్షలు మాత్రమే యాక్టివేట్‌ అయ్యాయన్నారు. ఇక
పింఛనుదారులకు ఇంటివద్దే సేవలను అందించేందుకు వీలుగా రానున్న రోజుల్లో ఫేస్‌ అథంటికేషన్‌ ఉపయోగించి జీవన్‌ ప్రమాణ్‌ ద్వారా డిజిటల్‌ లైఫ్‌ సర్టిఫికెట్లను అందిజేస్తామన్నారు. ఇందుకోసం ఈపీఎఫ్‌వో..
మైభారత్‌ (MY Bharat) వాలంటీర్ల సాయం తీసుకుంటుందని చెప్పారు.