Manchu vishnu: ముందు స్టంట్‌మ్యాన్‌ని.. అందుకు గర్వంగా ఉంది: మంచు విష్ణు
Play all audios:
ఇంటర్నెట్‌ డెస్క్‌: తన గురించి ఓ ఆసక్తికర విషయాన్ని అభిమానులతో పంచుకున్నారు మంచు విష్ణు (Manchu Vishnu). యాక్షన్‌ సీక్వెన్స్‌ డిజైన్‌ చేసే అవకాశం చాలాకాలం తర్వాత ‘కన్నప్ప’ (Kannappa)తో
లభించిందన్నారు. సంబంధిత గ్లింప్స్‌ విడుదల చేశారు. ‘‘నేను మార్షల్‌ ఆర్ట్స్‌లో శిక్షణ పొందా. నటుడిని కాకముందు లాస్‌ఏంజెల్స్‌లో స్టంట్‌మ్యాన్‌గా పని చేశా. ఈ విషయం చాలామందికి తెలియదు. తెలుగు
స్టంట్‌ యూనియన్‌ మెంబర్‌గా ఉన్నందుకు గర్వపడుతున్నా. షో రన్నర్‌గా ‘కన్నప్ప’లోని యాక్షన్‌ సీన్స్‌ డిజైన్‌ చేశా. వాటికి ప్రాణం పోసిన కెచా మాస్టర్‌కు కృతజ్ఞతలు’’ అని పేర్కొన్నారు. మరోవైపు,
యూఎస్‌లో నిర్వహించే ఆ సినిమా ప్రమోషన్స్‌ షెడ్యూల్‌ వివరాలు ప్రకటించారు. ఈ నెల 8న న్యూజెర్సీ, 9న డల్లాస్‌, 10న బే ఏరియాలో వేడుకలు ఏర్పాటు చేయనున్నారు. * ఓటీటీలోకి ‘ఓదెల 2’.. స్ట్రీమింగ్‌
ఎప్పుడంటే? శివ భక్తుడైన కన్నప్ప జీవితాధారంగా దర్శకుడు ముకేశ్‌ కుమార్‌సింగ్‌ తెరకెక్కించిన చిత్రమిది. ఈ విష్ణు డ్రీమ్‌ ప్రాజెక్టులో ప్రభాస్‌, మోహన్‌లాల్‌, అక్షయ్‌కుమార్‌ తదితర స్టార్స్‌
ప్రత్యేక పాత్రల్లో నటించిన సంగతి తెలిసిందే. ఈ సినిమా కథను విష్ణు రాయడం విశేషం. ఈ చిత్రానికి నిర్మాతగా వ్యవహరించిన మోహన్‌బాబు సినిమాలో కీలక పాత్ర పోషించారు. భారీ బడ్జెట్‌తో రూపొందిన ఈ సినిమా
జూన్‌ 27న విడుదల కానుంది.